Менделеевскида Чернобыль АЭС һәлакәтенә багышланган митинг узды

Менделеевскида Хәтер мемориалы янында Чернобыль АЭС авариясенә багышланган митинг узды. Анда АЭС ликвидаторлары, ветераннар советы һәм пенсионерлар союзы, укучылар, активистлар җыелды. Менделеевски районыннан 28 кеше һәлакәт калдыкларын бетерүдә катнаштылар. Хәзер шәһәрдә 12 ликвидатор яши. 

Район җитәкчесе Радмир Беляев исеменнән җыелганнар алдында район башлыгы урынбасары Ләйсән Галеева чыгыш ясады. Чарада катнашучыларга шулай ук хәрби комиссар Сергей Залуженко һәм ветераннар (пенсионерлар) Советы рәисе Лариса Кривилева кушылды. 

Митингта патриотик җырлар башкардылар һәм Хәтер мемориалына чәчәкләр куйдылар.