Менделеевск яңалыклары

Менделеевск районы

18+
Рус Тат
2024 - год Семьи
Җәмгыять

Химзаводның бердәмроссиялеләре лидер сайлады

Сишәмбе көнне "Л.Карпов ис. химзавод" ААҖ беренчел бүлекчәсенең 65 әгъзасы гамәлдәге составның эш нәтиҗәләре буенча отчет-сайлау җыелышында катнашты. Җиде мәсьәләдән торган көн тәртибен билгеләп, җыелыш карары буенча сәяси совет әгъзасы, партиянең Менделеевск җирле бүлекчәсе башкарма комитеты җитәкчесе Клавдия Смирнова, партиянең җирле бүлекчәсе сәяси советы секретаре вазифаларын башкаручы, Социаль яклау идарәсе...

Сишәмбе көнне "Л.Карпов ис. химзавод" ААҖ беренчел бүлекчәсенең 65 әгъзасы гамәлдәге составның эш нәтиҗәләре буенча отчет-сайлау җыелышында катнашты.

Җиде мәсьәләдән торган көн тәртибен билгеләп, җыелыш карары буенча сәяси совет әгъзасы, партиянең Менделеевск җирле бүлекчәсе башкарма комитеты җитәкчесе Клавдия Смирнова, партиянең җирле бүлекчәсе сәяси советы секретаре вазифаларын башкаручы, Социаль яклау идарәсе начальнигы Әлфия Салаватуллина, сәяси совет әгъзасы, Л.Карпов ис. химзавод директоры Дамир Шәмсин, сәяси совет әгъзасы, химзаводның беренчел бүлекчәсе секретаре, профком рәисе Зөфәр Сәгъдиев президиумда урын алдылар.
Партиянең беренчел бүлекчәсе советы эшчәнлеге турында отчет доклады белән Зөфәр Сәгъдиев чыгыш ясады, социаль әһәмиятле бурычларны һәм сәяси юнәлештәге мәсьәләләрнең киң спектрын да кертеп, билгеләнгән барлык юнәлешләр буенча эш башкарылуын әйтте.
Ревизор Татьяна Митшина партия бүлекчәсенең финанс-хуҗалык эшчәнлеге турында отчет тәкъдим итте, әгъзалык взносларының үз вакытында җыелуын, тикшерүләр барышында хокук бозулар булмавын ассызыклады.
Фикер алышуларда партия әгъзасы, автотранспорт цехының хезмәтне нормалаштыру буенча икътисадчысы Юлия Сударикова чыгыш ясады.
"Бердәм Россия" партиясенең җирле бүлекчәсе башкарма комитеты җитәкчесе Клавдия Смирнова партиянең беренчел бүлекчәсе советының яңа составын сайлау процедурасы белән таныштырды.
Партия Уставы нигезендә сайлау процедурасы яшерен рәвештә тавыш бирүне билгеләде. Аны үткәрүгә керешкәнче, җыелыш эшче органнарның беркетмәләрен раслады. Редакция комиссиясе рәисе итеп Рөстәм Борһанов расланды, секретаре - Валентина Башарова, счет комиссиясе рәисе - Марина Гудовских, секретаре - Надежда Нургалиева.
Рәислек итүченең тәкъдиме буенча, секретарь һәм ревизор сайлау буенча яшерен тавыш бирү бер турга берләштерелде. Устав нигезендә альтернатив сайлаулар үткәрүне исәпкә алып, секретарь сайлау бюллетененә Зөфәр Сәгъдиев һәм заводның КИПиА слесаре Сергей Бусыгин кандидатуралары кертелде. Аларның һәркайсы үз эш программасы белән таныштырды.
Ревизор сайлау буенча яшерен тавыш бирү бюллетененә Юлия Сударикова кандидатурасы кертелде. Нәтиҗәдә күпчелек тавыш белән бүлекчәнең секретаре итеп Зөфәр Сәгъдиев сайланды, ревизоры - Юлия Сударикова. Җыелыш бертавыштан счет комиссиясе беркетмәсен раслады.
Аннан соң яшерен тавыш бирү белән беренчел Советның яңа составы расланды. Аңа партия әгъзалары Дамир Шәмсин, Татьяна Митшина, Рөстәм Борһанов, Валентина Башарова һәм яңадан сайланган секретарь Зөфәр Сәгъдиев керде.
Алдан өйрәнүне исәпкә алып, бердәмроссиялеләр беренчел бүлекчәнең ревизоры турында положениене расладылар һәм бертавыштан Дамир Шәмсинны, Зөфәр Сәгъдиевны һәм Валентина Башарованы партиянең Менделеевск җирле бүлекчәсе XX отчет-сайлау конференциясенә делегатлар итеп сайладылар.
Химзавод кунагы Светлана Соколова җыелышка йомгак ясады, сәяси чараның югары дәрәҗәдә оештырылганлыгын билгеләде, партиялеләрнең отчет елларындагы эшеннән канәгать калды һәм Советның яңа составын сайлануы белән котлады.
Беренчел бүлекчәнең актив әгъзалары Зөфәр Сәгъдиев һәм Татьяна Митшина бердәмроссиялеләрнең җирле бүлекчәсе рәхмәт хатларына лаек булдылар. Бүләкләрне Әлфия Салаватуллина тапшырды. Форсаттан файдаланып, ул предприятие җитәкчесе Дамир Шәмсинга районның социаль учреждениеләре эшчәнлегендә актив катнашуы өчен рәхмәт белдерде.
Җавап сүзе белән Дамир Шәмсин чыгыш ясады, партия әгъзаларының предприятие эшчәнлеге мәсьәләләрен хәл итүгә керткән өлешен, җәмәгать тормышында актив катнашуларын билгеләде, хәрәкәт ветераннарына аерым акцент ясады һәм активистларга - "Заводская трибуна" газетасының баш мөхәррире Светлана Романовага һәм тышкы икътисадый элемтәләр бүлеге начальнигы Андрей Федоровка бүләкләр тапшырды.

Следите за самым важным и интересным в Telegram-каналеТатмедиа


Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев

2
X