Көч, куәт һәм горурлык

Буыннар очрашуы
Бәйрәм чарасы С.Гассар исемендәге мәдәният сараенда булды. Анда Җинаятьләрне үтәтү системасы һәм колония хезмәткәрләре һәм ветераннары, шәһәр хакимияте һәм көч ведомстволары вәкилләре катнашты. Формаль булмаган чарада бәйрәм табыны янында кунаклар үзара аралаштылар һәм узган хезмәт елларын искә алдылар.

– Холык төзәтү учреждениесендә психологик лаборатория начальнигы булып эшлим. Хезмәт эшчәнлегем кызыклы, психологик яктан һәм кризислы хәлләрдә ярдәм итү белән бәйле, – дип сөйли Александр Иванов.

– Колониядә 17 ел хисапчы булып хезмәт куйдым. Чакырулары өчен шатмын. Минем өчен бу зур бәйрәм, – дип билгеләде Галина Костина.

Бар эшне дә булдырабыз
Башкарма комитет җитәкчесе Алмаз Хәммәтов, колония һәм саклауның оештыру службасы бүлеге начальниклары Сергей Харкевич һәм Сергей Евстафьев көн геройларын һөнәри бәйрәмнәре белән котладылар, аларга ныклы сәламәтлек, иминлек, җинаять-башкару системасы эшчәнлегендә уңышлар теләделәр.
– Сез учреждениедә җәза үтәү өчен ирегеннән мәхрүм ителгәннәрдән хокук тәртибен саклауны һәм закон үтәлешен, аларның куркынычсызлыгын тәэмин итәсез. Бу уңайдан служба ветераннарының өлеше зур. Алар һөнәрнең нечкәлекләренә өйрәтәләр, яшь хезмәткәрләргә актив ярдәм итәләр, – диде Алмаз Зөлфәтович.

Вазифаи бурычларын намуслы үтәүләре өчен
Бу көнне 10 нчы холык төзәтү колониясе хезмәткәрләрен бүләкләү тантанасы булды. «ТР буенча җинаять-башкару системасының почётлы хезмәткәре» күкрәк билгесе белән саклау бүлеге начальнигы урынбасары Ринат Абдуллин билгеләнде. Шулай ук «ТР буенча җинаять-башкару системасында нәтиҗәле хезмәте өчен» күкрәк билгесенә хөкем ителүчеләр белән тәрбия эшләре буенча, интендантлык, хуҗалык белән тәэмин итү һәм махсус исәпләү бүлекләре начальниклары Максим Баграшов, Игорь Калинин һәм Татьяна Медведева, сак бүлегенең 1 категорияле кече инспекторы Сергей Васильев лаек булдылар.

Лаеклы хезмәткәрләргә Мактау грамоталары һәм ТР буенча Җәзаларны үтәү федераль службасы идарәсенең Рәхмәт хатлары, «Россия җинаять-башкару системасының 140 еллыгы», «Җинаять-башкару системасы ветераны» юбилей медальләре тапшырылды.

Чара концерт белән тәмамланды.