Кем булышыр икән?

Шундый сорау белән редакциягә Ленин урамында яшәүчеләр исеменнән Тамара Семешкина мөрәҗәгать итте.

Йорт тирәсендә үскән биек топольләр борчый ханымны. Быелгы яңгырлар сирәк булса да давыллары белән бөтен урам халкын куркуга сала. Көчле җилдә бик күп ботаклар сынды, ярый әле бик юаннары булмады. Топольләр - менә-менә йорт өстенә ава дип дер калтырап күзәттек. Агачларга форма биреп кисәргә кирәк дигән уй белән төрле службаларга мөрәҗәгать иттек, тик безгә һаман да булышучы юк. Быелгы коры җәйдә күпләр зарыгып яңгыр көтә, без болытлар куера башласа куркуга калабыз. Безнең проблемага тиешле службалар игътибар итәр дип ышанабыз.