Менделеевскида күпбалалы гаиләләр белән туры элемтә

Службалар һәм ведомстволар җитәкчеләре катнашындагы очрашу социаль яклау бүлеге инициативасы буенча оештырылды. Шулай ук zoom-конференциягә РФ Дәүләт Думасы депутаты Әлфия Когогина кушылды. Кабул итүгә ун кеше мөрәҗәгать итте. Zoom-конференция аша һәркем үз соравын бирә алды. Күпбалалы гаиләләрне җир участокларын, социаль ипотека рәсмиләштерү, мәктәпләргә хәләл туклану кертү, җәйге лагерьлар эше һәм Профсоюз урамында балалар мәйданчыгын яңарту буенча мәсьәләләр борчый.

Барлык сораулар да алга таба хәл итү өчен контрольгә алынды.