Тыл хезмәтчәннәре игътибар үзәгендә
Сугыш елларында тылда фидакарь хезмәт куйганнарга Җиңүнең 75 еллыгына юбилей медальләре тапшырыла.
Район башлыгы урынбасары Ләйсән Галеева, ветераннар Советы рәисе Любовь Сорокина һәм Иске Гришкин җирлеге башлыгы Валентина Мамакова шундый күңелле миссия белән авылның хөрмәтле кешеләрендә булдылар. Анна Баутина, Елизавета Миронова һәм Анна Молчанова сугыш чорында колхозда алыштыргысыз хезмәткәрләр булганнар. Ветераннар тыныч тормышта да лаеклы хезмәт куялар, ныклы гаиләләр коралар, яхшы балалар тәрбиялиләр.
– Без бер генә теләктә – дөньяда сугышлар булмасын иде, – диләр салалылар, – сезгә, район һәм республика җитәкчелегенә игътибарыгыз өчен рәхмәт.
В.Мамакова фотосы
Следите за самым важным и интересным в Telegram-каналеТатмедиа
Нет комментариев