Өлкәннәргә балалардан бүләк

Ватанны саклаучылар көненә Социаль үзәкнең реабилитация бүлегендә ял итүчеләргә сәнгать мәктәбе укучылары үзенчәлекле бүләк ясадылар.
Музыка бүлеге педагогы Алёна Белоусова оештыруында музыка һәм театр бүлегенең яшь талант ияләре концерт әзерләгәннәр. Скрипкада, гитарада, аккордеонда чыгыш ясаган Даша Лесничук, Саша Безбородова, Вова Смирнов апа-абыйларның алкышларын кабул иттеләр. Лия Бодрина, Алсу Йосыпова, Арсений Лесничук җыелганнарны җыр иленә чакырдылар. Театр бүлеге укучылары Татьяна Саликова, Полина Юнысова шигырь сөйләү осталыкларын ачтылар. Шәкертләргә концерт әзерләүдә педагоглар Алия Абрамова, Михаил Прокофьев, Елизавета Йосыпова, Ольга Маштакова булышканнар.