"Сандугач-2014"

Балалар иҗат үзәгендә шундый исемле VII район татар җыры конкурсы узды.
Татар җырын популярлаштыру, яшь талантларны ачыклау һәм үстерү максатыннан оештырылган бәйгедә балалар бакчаларыннан, мәктәпләрдән, өстәмә белем бирү учреждениеләреннән, Гассар исемендәге мәдәният сараеннан яшь башкаручылар катнашты. Өч яшь төркемендә чыгыш ясаучыларны педагог Тәнзилә Фирсова рәислегендәге жюри бәяләде. Вокал-соло һәм вокал-ансамбль номинациясендә сыналучы 24 бала халык һәм билгеле татар авторлары җырларын тәкъдим итте. Алинә Булатова, Айсылу Туктаманова, Алсу гарифуллина, Аида Соловьева, Азалия Әһлиева, Айгөл Гомәрова үз яшь төркемнәрендә I дәрәҗә лауреатлар һәм дипломантлар булдылар. Алена Данилова гран-при яулады.