Тоймага Нәүрүзбикә килде

"Нәүрүзбикә - яз кызы" дигән чара мәдәният йорты каршына кечесен дә, олысын да җыйды.
Әби-бабайларына каникулга кайткан оныклар, мәктәп укучылары уен түгәрәген үз итте. Мәдәният йорты директоры Мәрфүгә Сираева, китапханәче Фирдәвия Ямалетдинова, аккомпониатор Айрат Мөбарәкшин тырышлыгы белән әзерләнгән концерт номерлары тамашачылар күңеленә яз хисләре өстәде.
Мәхрүсә Нурмөхәммәтова, Мәгъфия Димөхәммәтова әзерләгән белен тәме Нәүрүз бәйрәмен озак хәтерләтәчәк. Тоймалылар күңелле очрашу оештыруга булышлык күрсәткән район Советы һәм авыл депутаты Назыймулла Әхмәтовка рәхмәтлеләр.