Менделеевск яңалыклары
  • Рус Тат
  • Балаларның яраткан бәйрәме

    "Юность" район мәдәният йорты янындагы мәйданда балаларның иң яраткан һәм көтеп алган бәйрәме - Халыкара балаларны яклау көне узды. Мин асфальтта рәсем ясыйм Кояшлы көн, дәртле музыка, асфальтта ясалган рәсемнәр, һичшиксез, бар кешенең - олысы һәм кечесенең кәефен күтәрде. Иҗат үзәге педагоглары спорт уеннары оештырды, балаларга бүләк итеп жетоннар бирелде,...

    "Юность" район мәдәният йорты янындагы мәйданда балаларның иң яраткан һәм көтеп алган бәйрәме - Халыкара балаларны яклау көне узды.
    Мин асфальтта рәсем ясыйм
    Кояшлы көн, дәртле музыка, асфальтта ясалган рәсемнәр, һичшиксез, бар кешенең - олысы һәм кечесенең кәефен күтәрде. Иҗат үзәге педагоглары спорт уеннары оештырды, балаларга бүләк итеп жетоннар бирелде, аларны татуга алмаштыру мөмкинлеге булды.
    - Без баланың теләге буенча махсус буяу белән зыянсыз татулар ясыйбыз. Кызлар чәчәк һәм күбәләкләр ясарга сорый, ә малайларга кеше формасындагы үрмәкүч ошый, - дип сөйли декоратив-гамәли иҗат бүлеге мөдире Зәкия Әхмәдуллина.
    Аның кул астыннан Настя Миронованың битенә ясалган урман аланын хәтерләткән рәсем күзаллана.
    - Мондый бәйрәм булуы бик яхшы. Без кызым белән барлык аттракционнарда булмыйча, өйгә кайтып китмибез, - дип елмая яшь ана Светлана Миронова.
    Шул ук вакытта сәхнәдә иң яхшыларны бүләклиләр. Район башлыгы Игорь Привалов мәгариф, спорт, мәдәният һ.б. секцияләргә йөрүче балалар һәм педагогларны бүләкли. Икенче сыйныф укучысы Камилла Садыйкова өч мәртәбә сәхнәгә күтәрелә. Ул "Ля-ля-фа" студиясенә һәм иҗат үзәгенә йөри. Һичшиксез, ул җиңүләр кызның, педагоглары, әнисенең тарышлыгы нәтиҗәсе.
    Малковлар бәйрәмгә гаиләләре белән килгән. Әтисе кулына күтәргән Дима тирә-яктагы хәлләрне күзәтә һәм канәгатьләнеп елмая.
    - Шәһәр чараларында еш булабыз, - диләр Наталья һәм Алексей. - Батут, атта йөрү, татлы мамык, әтәч конфет, сабын күбекләре - бу чын балалар бәйрәме.
    Илләр буйлап сәяхәт
    Социаль яклау идарәсе территориясендә дә Балаларны яклау көне күңелле һәм онытылмаслык булды. "Өмет яры" үзәге белгечләре балалар өчен җир шары буйлап мавыктыргыч сәяхәт оештырдылар. Клоуннар, ташбака һәм арыслан баласы белән берлектә балалар Африка, Бразилия һәм Япониядә булдылар. Һәр җирдә балаларны җирле халык каршы алды. Сәяхәт вакытында африкалыларча бию, япон табышмаклары, бразилиялеләр карнавалы һәм башкасы булды. БИҮ һәм БСМ шәкертләре башкаруында концерт номерлары, татлы призлар балалар өчен күңелле сюрприз булды.
    - Безгә бәйрәм бик ошады, Балаларны яклау көне һәрдаим кабатлансын иде дип телибез, - диләр Айгөл Гарипова һәм Тимур Харьков.
    Вәсилә Мортазина
    Автор фотолары

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: