“Гаиләбез шөгыле”

Мәктәп яны лагерьларына йөрүче балалар рәсем конкурсында гаилә шөгыльләре белән таныштырдылар.
Иҗат үзәге педагоглары Лилия Габдрахманова, Алсу Садыйкова оештырган бәйгедә укучылар төшергән рәсемнәрен "якларга" да тиеш иделәр. Катнашучылар шигырь, хикәяләр аша гаилә шөгыльләре турында бирелеп сөйләделәр. Балыкка йөрүләре турында рәсемен оста яклаган Иван Крюков беренчелекне алды (1 нче мәктәп). Әнисе белән чәчәкләр үстерергә яратучы Нина Миронова - икенче. Сәяхәтләрне үз итүче Рузия Гыйләҗева өченчелеккә чыкты.