Грант яуладылар

"РИТЭК" ААҖ социаль һәм мәдәни проектлар һәм "ЛУКОЙЛ" хәйрия фондының IV республика конкурсында "Кама таңнары" приюты уңышка иреште.
Казанда Универсиада авылының мәгълүмат-хезмәт үзәгендә узган йомгак ясау тантанасында приютка грант һәм диплом тапшырылды. "Дөнья гүзәл, син аны сизә бел" дип аталган социаль проект "Мәрхәмәтлелек" номинациясендә иң яхшы дип билгеләнде.
Проектны тормышка ашырыр өчен җиһазлар алу планлаштырыла. Ул мәктәпкәчә яшьтәге балаларга әйләнә-тирә мохитне дөрес танып белергә булышачак.