Менделеевские новости
  • Рус Тат
  • Кадетларыбыз икенче урында

    "Химик" спорт-сәламәтләндерү комплексында бер көн хәрби-спорт чараларына багышланды. 24 октябрьдә оештырылган "Аҗаган-2013" уенында Чаллы, Тукай, Әгерҗе, Менделеевск командалары катнашты. Зона ярышларын башкарма комитет җитәкчесе урынбасары Павел Миронов ачты. ТР буенча Хәрби комиссариатның Менделеевск районы бүлеге начальнигы Дамир Вәлиев, сугыш һәм хезмәт ветераннары рәисе Любовь Сорокина, Әфганстан сугышы ветераннары һәм инвалидлары...

    "Химик" спорт-сәламәтләндерү комплексында бер көн хәрби-спорт чараларына багышланды. 24 октябрьдә оештырылган "Аҗаган-2013" уенында Чаллы, Тукай, Әгерҗе, Менделеевск командалары катнашты.
    Зона ярышларын башкарма комитет җитәкчесе урынбасары Павел Миронов ачты.
    ТР буенча Хәрби комиссариатның Менделеевск районы бүлеге начальнигы Дамир Вәлиев, сугыш һәм хезмәт ветераннары рәисе Любовь Сорокина, Әфганстан сугышы ветераннары һәм инвалидлары берлеге рәисе Сергей Поспелов уенда катнашучыларга изге теләкләрен җиткерделәр.
    Гимннар яңгыраганнан соң "Сатори" клубы шәкертләре кунакларга күрсәтмә чыгыш тәкъдим итте. Һәм менә ярышлар башланды. Бер команда сафта йөрергә әзерлеген күрсәткәндә, икенчесе - "төз ату" этабын үтә. Шулай итеп, командалар чиратлап барлык сынауларны үтә. Ярыш хуҗалары беренче булып сафта атлап йөрү сәләтләрен күрсәттеләр. 1 нче мәктәпнең кадетлары командаларны төгәл үти.
    - Солдат Досманов, минем янга, - командир тоны белән приказ бирә Артур Шәрәфетдинов.
    Атлап барганда, балалар күмәкләп җыр суза. "У солдата выходной, пуговицы в ряд...".
    - Бу бик күңелле конкурс, - дип саный Эмиль Сайранов. - Форма кигәч, үзеңне башкача хис итәсең, туры басып, җилкәләрне төз тотасы килә.
    Марат Вәлиев автомат сүтеп-җыюны ярата. Бу биремне ул 33 секундта үтәде. Үсмер сүзләренчә, нәтиҗә начар түгел, ләкин тагын да яхшырак эшләү мөмкин иде.
    Камилла Уразаева - Әгерҗедән "Сибиряклар" командасы әгъзасы. Аның өчен Калашников автоматын сүтү һәм кору кыенлык тудырмый.
    - Сере нәрсәдә? - дип сорыйм.
    - Сере юк, сүткәндә детальләрне өстәлдә рәттән урнаштыра бару зарур.
    - Иң мөһиме - җитезлек, моның өчен, күнекмәләрне ешайту кирәк, - дип өсти тренеры Руслан Закиров, ул шәкертләре яныннан бер минутка да китми.
    - Күнекмәләр алсаң, бу гамәлләрне күзне йомып башкарырга була, - ди бу этапның судьясы, ОБЖ дәресе укытучысы Владислав Гыймадиев. - Безнең мәктәптә 6 автомат бар, егетләр кайвакыт тәнәфестә дә күнекмә алырга керә.
    Шуның өстенә егетләрнең тарих, медицина, топография буенча белемнәрен тикшерделәр. Алга таба атлыйбыз. "Төз атучы" этабында Тукай районыннан "Отвага" командасы. 9 нчы сыйныф укучысы Алексей Максимов команда "снайперы" дип атала. Бу исемгә лаек ул, - дип раслый кызлар. Снайпер үзе бу мизгелдә мишеньгә төзи, аның сөйләшергә вакыты юк.
    Чаллының кадетлар командасы белән, кызганычка каршы, аралашырга туры килмәде. Алар яки репетиция ясый, я булмаса чираттагы сынауны үтә. Чаллы һәм Әгерҗе командалары өченче һәм дүртенче урыннарны бүлеште. 1 һәм 2 нче урын алган җиңүчеләр 28 октябрьдә Казанга Аҗаганның финал уенына барачаклар.
    Вәсилә Мортазина
    Автор фотосы

    Нравится
    Поделиться:
    Реклама
    Комментарии (0)
    Осталось символов: