Район башлыгы өчен сораулар – эшлекле һәм хисчәннәр

Соңгы кыңгырау бәйрәме алдыннан узган район башлыгы Игорь Привалов белән очрашуда чыгарылыш укучылары БДИ, практика һәм көнне планлаштыру белән кызыксындылар.
- Һәр елны 70 процентка якын чыгарылыш укучылары югары уку йортларына керә. Бу районда белем сыйфаты югары булу турында дәлилли, - дип билгеләп үтте сәламләү сүзендә район башлыгы.
Гадәти булмаган хәлдә "Ханами" ресторанында мәктәп укучыларына кызыксындырган сорауларын бирү мөмкинлеге тудырылды. 2 нче мәктәпнең унберенче сыйныф укучысы Денис Сазонов районда производство практикасы узу һәм югары уку йорты тәмамлаганнарны эшкә урнаштыру мөмкинлеге турында сорады.
- Укуга җитди караш булганда без түләүле производство практикасына кабул итәргә әзер, - диде завод вәкилләре.
- Республикага квалификацияле белгечләр кирәк. Бездән киткән чыгарылышларның белгечлек алып шәһәргә кайтуын көтәбез, - дип ассызыклады Игорь Привалов.
1 нче гимназиянең 11 сыйныф укучысы Всеволод Гудовских бар нәрсәгә җитешү өчен эш көнен планлаштыру сере белән бүлешүен сорады.
- Тормыш үз төзәтмәләрен кертә, шуның өчен кайвакыт көнлек планны үзгәртергә дә туры килә. Берьюлы күп эшкә алынмаска, 10 эшнең өчесен - иң әһәмиятлеләрен яхшылап башкаруың отышлырак булыр. Планлаштыру - уңышның нигезе, - дип ассызыклады Игорь Анатольевич.
1 нче мәктәпнең чыгарылыш укучысы Антон Алексеевны район башлыгының Бердәм дәүләт имтиханнарына карата мөнәсәбәте кызыксындырды. Кызлар, гадәтенчә, хискә бирелгәнлек белән бәйле сораулар бирделәр: " Сез үзегезнең соңгы кыңгырау бәйрәмен хәтерлисезме? Сыйныфташларыгыз белән аралашасызмы?" Башкалар яшь белгечләргә ярдәм һәм максатчан программалар турында сораштылар.
- Иң мөһиме - актив тормыш позициясе һәм үз көчеңә ышану, шул вакытта барлык ниятләрегез гамәлгә ашар, - дип йомгаклады сүзен район башлыгы.
Мәктәп җитәкчеләре исеменнән гимназия директоры Надежда Маслихина очрашуны оештыручыларга рәхмәт белдерде.
- Чыгарылышлар белән очрашулар изге традициягә әйләнер, дип ышанабыз, - диде мәгариф идарәсе начальнигы Сергей Данилов.
Вәсилә Мортазина