Менделеевск яңалыклары
  • Рус Тат
  • “Татарстан – уртак йортыбыз”

    Иҗат итүче укучылар катнашында үткәрелгән "Бәллүр чишмә" берләшмәсенең чираттагы утырышы шундый исем белән аталды һәм Мәдәният елына багышланды. Алып баручы китапханә мөдире Гөлназ Хафизова, утырышны ачып, болай диде: - Туган илебездә төрле милләт вәкилләре дус-тату яшиләр һәм эшлиләр. Һәр халыкның теле, мәдәнияте, традицияләре, гореф-гадәтләрен буыннан-буынга күчереп, саклап калуга һәм алга...

    Иҗат итүче укучылар катнашында үткәрелгән "Бәллүр чишмә" берләшмәсенең чираттагы утырышы шундый исем белән аталды һәм Мәдәният елына багышланды.
    Алып баручы китапханә мөдире Гөлназ Хафизова, утырышны ачып, болай диде:
    - Туган илебездә төрле милләт вәкилләре дус-тату яшиләр һәм эшлиләр. Һәр халыкның теле, мәдәнияте, традицияләре, гореф-гадәтләрен буыннан-буынга күчереп, саклап калуга һәм алга таба үстерүгә һәркем өлеш кертергә тиеш.
    Аннан соң укучылар иҗат җимешләре белән таныштырдылар. Бәзәкә мәктәбеннән Альбина Сафиуллина туган авылына багышланган шигырьләрен һәм иншасын укый. Иске Гришкин мәктәбенең 8 нче сыйныф укучысы Анна Усольцева керәшен халкының милли бәйрәмнәре һәм уеннары турында сөйли. Илнәттән Мария Абрамова Йошкар-Ола шәһәре тарихы белән таныштырды, мари халкының Семык бәйрәме турында сөйләп, туган телендә җыр башкарды. Яңабирдедән 7 нче сыйныф укучысы Николай Ботников "Удмуртия - родниковый край" презентациясен тәкъдим итте. Чарада катнашучылар удмурт халкының Гырон Быдтон, мордваларның Балтай, чувашларның Уяв дип аталган бәйрәмнәре белән таныштылар.
    1 нче гимназия укучылары Эльвина Таҗиева һәм Эмиль Вәлиев авторлык шигырьләрен һәм яз темасына презентация әзерләгәннәр. Песәй мәктәбеннән Аяз Әхмәтгәрәевның "И газиз туган ягым" исемле иҗади тәлгәшләре беркемне дә битараф калдырмады. Шәкертнең остазы Фирдәвес Рәхмәтуллинаның "Туган якка кайтып барышым" исемле шигырен укуы да игътибарны җәлеп итте. Камай мәктәбеннән Рафаэль Кәлимуллин туган як турында инша, ә Камилә Никитина "Минем Татарстаным" исемле шигырь язган.
    Чара төрле телләрдә яңгырый торган "Эх, сез, матур кызлар!" җырын күмәкләшеп башкару һәм Салават Фәтхетдиновның "Мин яратам сине, Татарстан!" композициясен тыңлау белән тәмамланды. Мәгариф идарәсе методисты Гөлшат Вәлиева әдәби иҗат берләшмәсенә йөрүчеләрнең әсәрләрен туплап, икенче җыентык чыгару турында тәкъдим кертте.
    Мәдинә Григорьева

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: