Менделеевск яңалыклары
  • Рус Тат
  • “Юниор” флагын күтәрде

    "Юниор" балалар лагерында беренче сменаны ачу күңелле һәм онытылмаслык булды. Балалар, шарлар болгап, тигез адымнар белән тезелүгә баралар. Менә, өч отряд та әзер. "Тормозим мы все подряд; два вожатых и отряд!" - "Тормозлар" отряды шундый ялкынлы сүзләр кычкыра. "Мы шипим и пенимся, победой не поделимся!" - дип аларга күрше отряд...

    "Юниор" балалар лагерында беренче сменаны ачу күңелле һәм онытылмаслык булды.
    Балалар, шарлар болгап, тигез адымнар белән тезелүгә баралар. Менә, өч отряд та әзер. "Тормозим мы все подряд; два вожатых и отряд!" - "Тормозлар" отряды шундый ялкынлы сүзләр кычкыра. "Мы шипим и пенимся, победой не поделимся!" - дип аларга күрше отряд җавап бирә. Традиция буенча, командирлар лагерь начальнигы Рүзәл Шәймөхәмәтовка рапорт тапшыра. "Юниор" лагеры әләмен күтәрү хокукы Рамил Зиннәтуллинга бирелә.
    Укучыларга сәламләү сүзе белән район башлыгы урынбасары Рөстәм Хәбибуллин мөрәҗәгать итте.
    - Сезгә файдалы яллар телим, лагерь сезонын ачык дип белдерәм.
    Балалар әйдәманнары Юлия Матвеева, Руслан Тарасов, Тимур Гобәйдуллин, Герман Смирнов һәм Юлия Захарова җитәкчелегендә җыр, спорт, дуслык һәм бию бергә үрелгән бай эчтәлекле концерт программасы әзерләгәннәр. Тамашачыда төп рольләрне малайлар башкарган принцесса һәм өч дуңгыз баласы турында әкият онытылмас тәэсирләр калдырды.
    Лиза Илюшина "Юниор"да беренче мәртәбә. Кыз әйтүенчә, лагерьда иң кызыклысы - дискотекалар.
    Рәхилә һәм Илфак Мәүлиевлар уллары янына килгәннәр.
    - Айнур - биюче һәм хоккейчы, өченче ел рәттән профильле сменага бара, аңа биредә ошый, - диләр алар.
    - Беренче сменада 90 бала ял итә, икенче һәм өченчегә 100әр бала туплау планлаштырыла, - диде яшьләр бүлеге белгече Елена Чеботарёва.

    Вәсилә Мортазина

    Рәис Сәхапов фотосы

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: