Менделеевск яңалыклары
  • Рус Тат
  • Бондюгтан чакырылган

    9 декабрьдә Ватан геройлары көне билгелөп үтелә. Дан Орденының тулы кавалерлары да герой статусына ия. Шуларның берсе - Можга районының Сардан авылында туган Иван Байбородов. Бондюг хәрби комиссариатыннан фронтка алынганлыктан, аның исеме районыбыз елъязмасына тулы хокук белән язылган. Зур хәрби һәм тормыш тәҗрибәле Иван Петрович сугышка 38 яшендә алына. 16...

    9 декабрьдә Ватан геройлары көне билгелөп үтелә. Дан Орденының тулы кавалерлары да герой статусына ия.
    Шуларның берсе - Можга районының Сардан авылында туган Иван Байбородов. Бондюг хәрби комиссариатыннан фронтка алынганлыктан, аның исеме районыбыз елъязмасына тулы хокук белән язылган.
    Зур хәрби һәм тормыш тәҗрибәле Иван Петрович сугышка 38 яшендә алына. 16 яшендә үз теләге белән Кызыл Армиягә китә, Гражданнар сугышында пулемётчы була, яралана. 1929 елда Сызраньда тимер юл техникумын тәмамлый. Бондюгта тимер юл төзелешендә катнаша.
    Бөек Ватан сугышында Калинин, Дон фронтларында, Донбасста сугыша, Запорожье, Днепр, Украина, Польшаны азат итүдә, Берлин операциясендә катнаша.
    Гвардиянең 23 нче аерым гвардия разведка ротасы командиры өлкән сержант Байбородов 1944 елның мартында разведчиклар төркеме җитәкчесе буларак Одесса астында дошман тылына бәреп керә. Разведчиклар немец гарнизонын тарката һәм тел алып кайталар. Өч көннән соң һөҗүм итүчеләр төркеме уннан артык солдатны юк итә, өч офицерны әсирлеккә ала. 1944 елның 23 мартында Иван Петрович III дәрәҗә Дан ордены белән бүләкләнә. Бер елдан соң разведчикның күкрәген Польша территориясендәге хәрби хәрәкәтләр өчен икенче дәрәҗә Дан ордены бизи.
    1944 елның апрелендә Байбородов төркеме дошман тылында булып, кыйммәтле мәгълүматны кулга төшерә, дошман төркемен таркатып, коралны яулап ала. Ә 1946 елның 15 маенда Иван Байбородовның I дәрәҗә Дан ордены белән бүләкләнүе турында хәбәр килә.
    Сугыштан соң Иван Петрович Можгада яши, урман промышленносте хуҗалыгында директор урынбасары булып эшли. 1951 елда фронтовик фани дөньядан китә. Можга шәһәрендәге бер урам аның исемен йөртә.
    Өлкән яшьтәгеләр бәлки Иван Байбородовны хәтерлиләрдер, истәлекләре белән бүлешә алалар.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: