Менделеевск яңалыклары
  • Рус Тат
  • Коммуналь түләүләрне җыю буенча дәгъва эше көчәйтеләчәк

    Оператив штабның чираттагы утырышында тиешле бүлекләр һәм службалар, идарәче компанияләр һәм ресурс белән тәэмин итүче предприятиеләр җитәкчеләре халыкның торак-коммуналь хезмәтләргә бурычын бетерү буенча район планына кертелгән чаралар үтәлеше турында отчёт тоттылар. Учреждение, оешма һәм предприятиеләр хезмәткәрләренең түләү-ләре торышы турында мәгълүмат биреп, район башкарма комитеты җитәкчесенең беренче урынбасары Роберт Гаффаров болай...

    Оператив штабның чираттагы утырышында тиешле бүлекләр һәм службалар, идарәче компанияләр һәм ресурс белән тәэмин итүче предприятиеләр җитәкчеләре халыкның торак-коммуналь хезмәтләргә бурычын бетерү буенча район планына кертелгән чаралар үтәлеше турында отчёт тоттылар.
    Учреждение, оешма һәм предприятиеләр хезмәткәрләренең түләү-ләре торышы турында мәгълүмат биреп, район башкарма комитеты җитәкчесенең беренче урынбасары Роберт Гаффаров болай дип билгеләде:
    - Июньгә барлыгы 92% җыелды.
    Рәислек итүче Игорь Привалов хәлне гадәттән тыш дип бәяләде. Район башлыгы бюджет сферасы учреждениеләре җитәкчеләренә ышанып тапшырылган ведомстволарында коммуналь түләүләрне хезмәт хакыннан тотып калу өчен барлык хезмәткәрләрдән дә гариза яздыруны йөкләде.
    - Без читләр хисабына яшәргә күнеккән кешеләрнең менталитетын үзгәртергә тиеш, - диде ул.
    Кешесез фатирлардан бурычны түләтү мәсьәләсенә аерым игътибар бирелде.
    - Без аларда квартирантлар яшәгәнен беләбез. Димәк, торак арендада. Ләкин беркем дә аренда өчен дә, коммуналь хезмәтләр өчен дә түләми. Салым инспекциясе өчен эшчәнлек кыры менә кайда, - дип ассызыклады Игорь Привалов.
    Утырыш барышында намуссыз түләмәүчеләргә карата административ җаваплылык чараларын катгыйландыру буенча башка тәкъдимнәр дә яңгырады.
    - 1 июльдән торак-коммуналь хезмәтләргә тарифлар артты. Кулланучылар яңа исәп-хисап квитанцияләрен августта алачак. Уртача түләүнең гомуми суммасы 4,5%ка арта. Вакытында түләү - ТКХ сыйфаты гаранты. Халык бу турыда онытырга тиеш түгел, - дип йомгаклады Игорь Привалов.
    Лариса Миңнегалиева

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: