Менделеевск яңалыклары
  • Рус Тат
    • Җәмгыять

    Табибның мөлаем күзләре

    автор, 21 июнь 2013 - 04:36
    413
    0
    0

    Йөзендә елмаю балкыган ак халатлы ханым, табиб-отоларинголог Ирина Чупинадан һәр менделеевлы үзенә яки баласына ярдәм сорап мөрәҗәгать иткәндер. Ирина Ивановна 17 ел үзәк больницага пациентлары янына ашыга. Киләчәген үзе өчен нәкъ менә шулай күз алдына китергән ул. Әле мәктәп елларында ук һөнәрен тәгаенлый. 1 нче мәктәпне алтын медаль белән тәмамлаган...

    Йөзендә елмаю балкыган ак халатлы ханым, табиб-отоларинголог Ирина Чупинадан һәр менделеевлы үзенә яки баласына ярдәм сорап мөрәҗәгать иткәндер.
    Ирина Ивановна 17 ел үзәк больницага пациентлары янына ашыга. Киләчәген үзе өчен нәкъ менә шулай күз алдына китергән ул. Әле мәктәп елларында ук һөнәрен тәгаенлый. 1 нче мәктәпне алтын медаль белән тәмамлаган кыз Ижевск медицина институтына укырга керергә ниятли. Химиклар булган әти-әниләре Елизавета Андреевна һәм Иван Яковлевич Сорокиннар кызларының карарын хуплыйлар.
    - Медицинаны сайлаганыма бер тапкыр да үкенмәдем, - ди әңгәмәдәшем. - Дүртенче курска кадәр фармацевтика белән дәвалау эше арасында икеләндем, соңгысына тукталдым. - Дөрес, пациентның тормышы һәм сәламәтлеге өчен җаваплылык хисе сине һәрвакыт сагалый. Табиб дәвалаучы гына түгел, психолог та булырга тиеш. Кеше безгә медицина ярдәме сорап кына түгел, аңлауга өметләнеп тә мөрәҗәгать итә.
    - Ирем Сергей белән студентлар тулай торагы кухнясында таныштык, күрше бүлмәдә яшәдек, - дип елмаеп искә ала Ирина Ивановна.
    Хәзер Сергей Валерианович анестезиология һәм реанимация бүлеген җитәкли, ире, коллегасы һәм фикердәше дә ул. Чупиннар гаиләсендә мәктәп яшендәге ике кыз - Рита һәм Ярослава үсә. Алар әле һөнәр сайламаган, әмма, кем генә булсалар да, әти-әниләренең ярдәменә ышаналар.
    Ирина Ивановна ЛОР белгече генә түгел, аллерголог та, белемнәрен поллиноз авыруларын диагностикалауда нәтиҗәле куллана.
    Коллегалары фикеренчә, ул грамоталы белгеч, үз эшенең остасы. Рәхмәтле пациентлары да шул турыда сөйли.
    - Мине дәвалаучы табибымның куллары алтын, изге йөрәкле, пациентлары да шуның өчен ярата, хөрмәт итә. Авыруларга ихтирамлы, игътибарлы караш - чын табибны характерлаучы сыйфатлар, - ди стационар дәвалану үтүче пенсионер Нина Припутина.
    Шул вакыт ЛОР кабинетыннан биш яшьлек Витя Власов чыга. Борынына томау төшеп, әнисе Светлана белән табибка күренергә килгән.
    - Керергә курыкмадым, авыртмады да, чөнки андагы апаның күзләре елмая, - ди яшь пациент.
    Ирина Ивановнага ике мәртәбә "Ел табибы" исеме бирелде. Томау төшкән борынымны да абайлады, шунлыктан креслода чираттагы пациент мин булдым.
    Вәсилә Мортазина, Гөлшат Гыйләҗева фотосы

    Иң мөһим һәм кызыклы язмаларны Татмедиа Telegram-каналында укыгыз


    Теги: Менделеевск Менделеевск яналыклары сђламђт булыйк
    Нравится
    Поделиться:
    Реклама
    Комментарии (0)
    Авторизоваться
    Осталось символов:
    © 2011 - 2020. Менделеевск яӊалыклары (Менделеевские новости). Все права защищены.
    © ТАТМЕДИА. Все материалы, размещенные на сайте, защищены законом.
    Перепечатка, воспроизведение и распространение в любом объеме информации,
    размещенной на сайте, возможна только с письменного согласия редакций СМИ.
    При поддержке Республиканского агентства по печати и массовым коммуникациям «ТАТМЕДИА».
    Наименование СМИ: Менделеевск яӊалыклары (Менделеевские новости)
    № свидетельства о регистрации СМИ, дата: ЭЛ № ФС 77 - 73819 от 28.09.2018
    выдано Федеральной службой по надзору в сфере связи,
    информационных технологий и массовых коммуникаций
    ФИО главного редактора: Искандарова Джулия Анатольевна
    Адрес редакции: 423650, Республика Татарстан, Менделеевский р-н, г. Менделеевск, ул. Фомина, д. 20
    Телефон редакции: (85549) 2-14-55
    Электронная почта редакции: paradox_12@mail.ru
    Учредитель СМИ: АО «ТАТМЕДИА»
    Политика о персональных данных
    Антикоррупционная политика
    Телефон АО «ТАТМЕДИА»: (843) 222 09 84
    Яндекс.Метрика ; Рейтинг@Mail.ru
    16+