Менделеевск яңалыклары
  • Рус Тат
  • Татарстанныкын алабыз

    Европа продуктларын кертүне тыю сәбәпле Беренче мәртәбә 2009 елда уздырылган "Татарстанныкын ал!" республика акциясе бүген дә актуаль. Чыннан да, безнең янәшәбездә чит илнекеннән сыйфаты буенча калышмый торган продукция җитештерелә. Без менделеевлыларның бу акциягә карата мөнәсәбәтләрен сораштык. Рәйсә Әхмәтова, хезмәт ветераны: - Татарстанда сыйфаты буенча чит илдәге шундый ук товардан калышмаган,...


    Европа продуктларын кертүне тыю сәбәпле Беренче мәртәбә 2009 елда уздырылган "Татарстанныкын ал!" республика акциясе бүген дә актуаль. Чыннан да, безнең янәшәбездә чит илнекеннән сыйфаты буенча калышмый торган продукция җитештерелә.
    Без менделеевлыларның бу акциягә карата мөнәсәбәтләрен сораштык.
    Рәйсә Әхмәтова, хезмәт ветераны:
    - Татарстанда сыйфаты буенча чит илдәге шундый ук товардан калышмаган, еш кына яхшырак булган товарлар җитештерелә. Продукция җитештерүчедән кибет киштәсенә кадәр кыска юл үтәргә тиешлеген һәркем аңлый. Димәк, җирле яки күрше регионнар җитештергән товарны сатып алырга кирәк. Мин шулай эшлим дә. Удмуртия казылыкларына, Чаллы һәм Менделеевск икмәк-булка әйберләренә, Башкортстан балына өстенлек бирәм. Ит, сөт, йомырканы безнең фермерлардан алам һәм сезгә дә киңәш итәм.
    Татарстан продукциясе чистарак һәм барлык тиешле таләпләргә туры килә, иң мөһиме, нитратлары һәм ГМОсы юк. Икенче әһәмиятле аспект - мин кече ватанның патриоты, үзебезнең крестьян-фермер һәм шәхси ярдәмче хуҗалыкларны хупларга тырышам.
    Фәүзәт Мөфтиев, авыл хуҗалыгы идарәсенең җитештерү-маркетинг бүлеге начальнигы:
    - Ике ай дәвамында диярлек шимбә көннәрендә шәһәр халкы өчен көзге авыл хуҗалыгы ярминкәләре оештырылды, анда фермерлар яшелчә, сөт, ит, умартачылык продукциясен, балыкларын уңышлы сата. Шәһәрлеләр җирле җитештерүчеләргә күбрәк ышана. Аларның продукциясе тәмле, ышанычлы, сыйфатлы, химиясез үстерелгән, бәясе дә читтән китерелгән товарларга караганда кулайрак. Аерым фермерлар үз хезмәтләре җимешләрен көзнең беренче көненнән үк сата. Продукциягә ихтыяҗ кимемәү, киресенчә, артудан алар канәгать. Сатып алучылар җирле җитештерүчеләр, Татарстанның кабат эшкәртүчеләре товарлары аларга арадашчысыз һәм тизрәк килеп җитүен, һичшиксез, бу аның свежий һәм бәясе дә арзанрак булуга йогынты ясавын аңлыйлар. Мин акцияне хуплыйм, чөнки Татарстан үзен-үзе тәмле һәм кыйммәт булмаган продукция белән тәэмин итәргә сәләтле!
    Радмира Иванова, күпбалалы әни:
    - Татарстанда химикатларсыз һәм ГМОсыз үстерелгән иң сыйфатлы товар дип саныйм. Ит, сөт продуктларын, йомырканы без 25 ел фермерлык белән шөгыльләнүче танышыбыздан сатып алабыз. Аның продуктлары экологик чиста, хуҗалыгы Кама елгасы буендагы болыннарда урнашкан. Бөртекле һәм азык культураларын фермер үзе үстерә. Европа илләреннән товар кертүгә карата санкцияләр башлануга, гаиләбез үзенең дөрес юл сайлаганын аңлады. Мин Татарстан сатып алучылары бернәрсә дә югалтмады, киресенчә, үзебезнең продукцияле киштәләргә 180 градуска борылды дип саныйм. Безнең алмалар Польшаныкыннан нәрсәсе белән ким? "Шәм" япмасыннан ялтырамыйлар гына! Атланмайга Яңа Чишмә яки Мөслим районыныкына, казылык һәм сырга Мамадышныкына, тавыкларга Чаллыныкына өстенлек бирәм. Җитештерүчедән киштәгә кадәр иң кыска юл узучы республика продукциясен сатып алыгыз һәм сәламәт булыгыз.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: