Менделеевск яңалыклары
  • Рус Тат
  • Тормышка өмет белән

    Чәршәмбе көнне Гассар исемендәге мәдәният сараеның зур залында буш урын табуы кыен иде. Төрле яшьтәге йөзләгән менделеевлы якташыбыз 32 яшьлек Рушан Ахунҗановка операциягә һәм реабилитациягә средстволар җыю максатыннан оештырылган "Тормышка өмет белән" хәйрия концертына килде. Күпләр гаиләләре һәм коллективлар белән иде. Үзәк китапханә хезмәткәрләре гаилә архивындагы фотолардан слайд-шоу әзерләгәннәр. Аннан...

    Чәршәмбе көнне Гассар исемендәге мәдәният сараеның зур залында буш урын табуы кыен иде. Төрле яшьтәге йөзләгән менделеевлы якташыбыз 32 яшьлек Рушан Ахунҗановка операциягә һәм реабилитациягә средстволар җыю максатыннан оештырылган "Тормышка өмет белән" хәйрия концертына килде.

    Күпләр гаиләләре һәм коллективлар белән иде. Үзәк китапханә хезмәткәрләре гаилә архивындагы фотолардан слайд-шоу әзерләгәннәр. Аннан Рушанның тормыш юлын күзалларга мөмкин - менә ул балалар бакчасы шәкерте, мәктәп укучысы. Чираттагы сурәтләрдә - медицина вузы чыгарылышы, бәхетле ир һәм әти... Көчле авыру аның тормышын куркыныч астына куя, чит илдә дәвалану өчен җитди сумма - дүрт миллион сум кирәк. Залда акча җыю өчен әрҗә урнаштырылган, анда шәһәрлеләр көчләреннән килгән сумманы салалар.
    - Рушан безнең больницада эшләде, - ди табиб-стоматолог Роза Баһаветдинова. - Ул изге күңелле, арлашучан кеше.
    4 нче мәктәп укучылары Регина Иванова һәм Аделина Узлова Р.Ахунҗанов турында педагоглары Анна Рябовадан белгәннәр.
    - Анна Александровна аның турында яхшы яктан гына сөйләде, һәм без якташыбызга ярдәм итәргә килдек.
    Аделинаның әбисе Тамара Ивановна да биредә.
    Анна Рябова үз чыгарылышы адресына иң җылы сүзләр генә әйтте, шәкертләренең әти-әниләренә ярдәмнәре өчен рәхмәт белдерде.
    Рушанның туганы Клара Галләмова сөйләвенчә, ул кечкенәдән табиб булырга хыяллана һәм максатына үҗәтлек белән бара. Башта медучилище тәмамлый, аннан "ашыгыч ярдәм"дә эшли һәм Ижевск мединститутының кичке бүлегендә укый, офтальмолог белгечлеге ала. Тормыш иптәше итеп коллегасын - табиб-терапевт Эльмираны сайлый. Яшь гаиләдә бер яшьлек Зарина үсә.
    Клара Галимҗановна туганнары исеменнән менделеевлыларга рәхмәт белдерде.
    Химия заводлары, мәдәният учреждениеләре коллективлары, эшмәкәрләр, ветераннар хоры средстволар җыюга үз өлешләрен керттеләр.
    - Читтә кала алмыйм, - ди пенсионер Тәнзилә Кондратьева, - мондый хәл һәркем белән булырга мөмкин. Ярдәмем тыйнак, мин Рушанның терелүе өчен дога укыячакмын.
    Концерт программасында "Кристалл", "Шаян", "Талларым", "Ля-ля-фа" ансамбльләре, Илдар Фаразетдинов, Инна Килеева, Галина Богданова, Рәмилә Гайнетдинова һәм башкалар катнашты.
    Средстволар җыю дәвам итә, хәйрия концертлары Алабугада, Чаллыда оештырылачак, социаль челтәрдә яклау төркемнәре булдырылды.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: