Менделеевск яңалыклары
  • Рус Тат
  • Урам бар, юллары юк

    Менделеевскида яшәүче кешеләрнең күбесе безнең Совхозная урамының исемен дә белмидер. Бу Камага илтүче киң урам "Батыр" спорт мәктәбен узгач та башлана. Җәй көне шәһәр халкы аның аша пляжга йөри. Ә мәхәллә кешеләре - җирле чиркәүгә, балалар - мәктәпкә. Урамда яшәүчеләр узган-барган тәрбиясез шәһәрлеләр калдырган чүпне җыештырырга мәҗбүр. Әмма проблема анда...

    Менделеевскида яшәүче кешеләрнең күбесе безнең Совхозная урамының исемен дә белмидер. Бу Камага илтүче киң урам "Батыр" спорт мәктәбен узгач та башлана.
    Җәй көне шәһәр халкы аның аша пляжга йөри. Ә мәхәллә кешеләре - җирле чиркәүгә, балалар - мәктәпкә. Урамда яшәүчеләр узган-барган тәрбиясез шәһәрлеләр калдырган чүпне җыештырырга мәҗбүр. Әмма проблема анда түгел, урамда юллар начар. Без яз һәм көз җиткәнне куркып көтеп алабыз. Авыр йөк машиналары юлны чокырлап бетерә, кайвакыт чүп машинасы керә алмый, җиңел машина турында әйтәсе дә юк, урам яктыртылмый. Сөрлегә-абына чиркәүгә баручы әбиләрне карап торуы кызганыч, Аллам сакласын, егылсалар, имгәнүләре бар. Асфальтланган юлдан йөрергә хыялланмыйбыз да, вак таш җәйсәләр дә ярар иде. Ни өчен җитәкчеләр, депутатлар шәһәр турында кайгыртмыйлар?
    Әгәр редакция хезмәткәрләре безнең урамга килергә ниятләсәләр, резин итекләр һәм фонарь алырга онытмасыннар.
    Совхозная урамында яшәүчеләр

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: