Менделеевск яңалыклары
  • Рус Тат
  • Психик сәламәтлек мөһим

    Газета укучыларыбыз соравы буенча без психиатр-психотерапевт Светлана Горячих белән әңгәмә кордык. - Светлана Илһамовна, психотерапия сезнең өчен нәрсә ул? - Минем өчен психотерапия - эшем генә түгел, минем тормышым, магия һәм сәнгать, чөнки яшәеш кешеләр арасындагы мөнәсәбәтләр белән билгеләнә. Мөнәсәбәтләр никадәр гармонияле булса, кеше дә шулкадәр бәхетле һәм уңышлы. Психотерапевтны...

    Газета укучыларыбыз соравы буенча без психиатр-психотерапевт Светлана Горячих белән әңгәмә кордык.
    - Светлана Илһамовна, психотерапия сезнең өчен нәрсә ул?
    - Минем өчен психотерапия - эшем генә түгел, минем тормышым, магия һәм сәнгать, чөнки яшәеш кешеләр арасындагы мөнәсәбәтләр белән билгеләнә. Мөнәсәбәтләр никадәр гармонияле булса, кеше дә шулкадәр бәхетле һәм уңышлы. Психотерапевтны мин тылсымчы белән чагыштырам, ул кулындагы фонаре белән кеше күңелендәге караңгы урыннарны яктырта һәм шул ук вакытта "Менә монда күз салыйк әле" дип сөйләнә.
    - Психотерапия нәрсәне дәвалый?
    - Клиентның соравы һәм заказы буенча психотерапия шәхеснең үз-үзе белән ризасызлыгын, мөнәсәбәтләр, невроз, депрессия, паникага бирелү, бәйлелекне дәвалый. Психотерапиядә уңыш ышаныч һәм эмпатиягә нигезләнгән психотерапевтик киңлеккә бәйле. Шуны истә тотарга кирәк, барлык ресурслар безнең үзебездә, табиб аны күрергә һәм файдаланырга гына ярдәм итә.
    - Сезнең киләчәккә планнарыгыз нинди?
    - Больница җитәкчелеге ярдәме белән Санкт-Петербургның Бехтерев исемендәге фәнни-тикшеренү психоневрология институтында кабат әзерлек үтү мөмкинлегем булды. Өлкән сыйныф укучыларына, йөкле аналарга һәм башка категорияле кешеләргә ярдәмгә юнәлдерелгән социаль-психологик программалар эшләдем. Киләчәктә менделеевлыларның аерым бинада психотерапевтик консультация алу мөмкинлеге булыр дип ышанам. Әлегә июнь аенда 20 сәгатькә исәпләнгән "Мөнәсәбәтләр тылсымы" исемле программа-тренингны гамәлгә ашыруга керешүне планлаштырам. Психик яктан сәламәт булу сәламәтлек һәм иминлекнең аерылгысыз өлеше һәм мөһим элементы. Кеше шомлану, курку, паника кебек тискәре күренешләргә сирәгрәк бирелергә тиеш. Үзеңнең психотерапевтыңны табу мөһим. Һөнәри осталыктан тыш, психотерапевтның тагын бер критерие - ул ышаныч һәм өмет тудырырга, сезгә ошаган кеше булырга тиеш. Биредә бердәнбер критерий - белгеч белән беренче очрашудан алган тойгылар, кичерешләр тәэсирләрең, шунлыктан ышаныч я була, я юк.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: