Моны һәркем белергә тиеш

Шәһәрнең 4 нче мәктәбендә белем алучы өлкән сыйныф укучылары социаль үзәк педагоглары әзерләгән "Наркотикларга һәм тәмәкегә - юк" дигән әңгәмәдә катнаштылар.
"Синең тормышың үз кулыңда", "Наркотик үлемгә илтә" дип аталган буклетлар тарату яшүсмерләрне мәгълүматка баетты.
Тәмәке тартучылар санын ачыклау максатыннан 46 укучы белән аноним анкета сорауларына җавап бирү оештырылды. Нәтиҗәдә, аларның 13 проценты зарарлы гадәткә бирелгәнлеге ачыкланды. Көн дәвамында 4-5 сигарет тартучылар дуслары тәэсирендә бу юлга басуларын белдергәннәр. Укучыларның күпчелеге сәламәт яшәү рәвешен сайлавы куандыра.