“Фомина” командасы кубокка ия

Район башлыгы призына хоккей буенча шәһәр чемпионаты җиңүчеләрне ачыклады.
Ватанны саклаучылар көненә багышланган чарада 18 яшьтән өлкәнрәк спортчылар катнашты. Ике атна дәвамында "Айсберг", "Лигры", "Фомина", "Динамо", "Монай" командалары (80 хоккейчы) киеренке көрәш җәелдерделәр.
Нәтиҗәдә "Фомина" - беренче, "Лигры" - икенче урынга чыкты, "Монай" - өченче. "Динамо"командасы җиңүгә омтылуы өчен билгеләнде. Хоккей уйнаучылар төрле номинацияләрдә уңышка ирештеләр. Андрей Трошин - иң яхшы капкачы, Алмаз фәрхетдинов - иң яхшы һөҗүм итүче, Анатолий Стрелков - иң яхшы сакчы. Призлы урын яулаучыларга медальләр, Мактау грамоталары тапшырылды.