Юл хәрәкәте кагыйдәләренең яшь белгечләре

«Әкият» балалар бакчасында тәрбияләнүчеләр юл хәрәкәте кагыйдәләренә багышланган квиз-уенда көч сынаштылар.

Уен рәвешендә узган әлеге чарада балалар юлдагы куркынычсызлык турындагы белемнәрен тикшерделәр, юл билгеләрен танырга һәм урамда үз-үзеңне дөрес тотарга өйрәнделәр. Квиз ярдәмендә мәктәпкәчә яшьтәге балалар мөһим күнекмәләрне ныгыттылар: юлны яшел утта гына чыгу, куркынычсыз дистанцияне саклау һәм төрле юл ситуацияләрендә ориентлашу буенча белемнәрен арттырдылар.

Актив катнашу һәм дуслык рухы ярдәмендә һәр бала үзен юл хәрәкәте кагыйдәләре өлкәсендә чын эксперт итеп хис итте. Чара «Яшел ут» конкурсы кысаларында оештырылды.

— Бу рәвешле очрашулар балаларның белемнәрен киңәйтеп кенә калмый, үз куркынычсызлыкларына карата җаваплылык хисе дә тәрбияли, — дип билгеләп үтә балалар бакчасы хезмәткәрләре.