МХО ветераны спортчылар белән очрашты

Балалар янына чын герой – якташыбыз, махсус хәрби операция ветераны, рядовой Виталий Дәүләтбаев килде. Виталий хезмәте турында гына сөйләп калмады. Җылы, гаиләдәге кебек дусханә мохиттә ул яшьләр белән иң мөһим нәрсәләр турында сөйләште: спортның характерны ничек чыныктыруы һәм иң авыр шартларда исән калырга ярдәм итүе, алгы сафтагы чын ир-атлар туганлыгы һәм бер-береңә ярдәм кулы сузу турында. Һәм, әлбәттә, ул балаларның көндәлек мәшәкатьләр арасында сорарга кыймый йөргән дистәләгән соравына ихлас җавап бирде.

Очрашуның иң дулкынландыргыч мизгеле – бүләкләр алмашу булды. Виталий клубта тәрбияләнүчеләргә тирән мәгънә салынган махсус саклагычлар бүләк итте: кызыл төс – батырлык һәм Ватан өчен фидакарьлек символы, ак төс – тынычлык, игелек һәм аяз күк йөзе символы.
«Сатори» балалары да бурычлы булып калмады: сакчыны бәйрәм белән котлап, аңа котлау сертификаты тапшырдылар.