Профилактика эшенең нәтиҗәле системасы
Мәгариф идарәсенең мәктәпкәчә тәрбия буенча методисты Оксана Шалаумова «Юл хәрәкәте куркынычсызлыгы» дәүләт бюджет учреждениесенең профилактика бүлеге җитәкчесе Мәликә Халикулова белән берлектә балалар бакчалары эшенә мониторинг үткәрделәр.
Алар, мәктәпкәчә белем бирү учреждениеләрендә булып, шөгыльләрнең сыйфатын һәм уку-күрсәтмә материалларның барлыгын бәяләделәр. Барлык балалар бакчаларында да нормативларга ярашлы рәвештә җиһазландырылган юл хәрәкәте куркынычсызлыгы почмакларына аеруча игътибар бирелде.
Тәрбиячеләр үз эшләрендә төрле формалар кулланалар: интерактив уеннар, хикәяләр, мультфильмнар карау һәм гамәли күнегүләр. Бу балаларның кагыйдәләрне яхшырак үзләштерүенә ярдәм итә. Үткәрелгән чаралар буенча документация җентекле һәм системалы рәвештә алып барыла, бу айлыкның барышын контрольдә тотарга һәм нәтиҗәләрне анализларга мөмкинлек бирә.
Шулай итеп, районның балалар бакчаларында юл хәрәкәте куркынычсызлыгы буенча нәтиҗәле профилактика системасы булдырылган. Бу үсеп килүче буынның куркынычсызлык культурасын камилләштерүгә мөһим өлеш булып тора.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев