Инвалидлар өчен эш урыннары җиһазлаган эш бирүчеләргә 200 мең сум компенсация

Компенсация түбәндәге чыгымнарны каплый:

• техник җайланмалар сатып алу;

• махсус җиһазлар сатып алу;

• эш урыннарында җиһазлар монтажлау һәм урнаштыру;

• инвалидның өйдә эш урынын булдыру.

Субсидияләр беренче һәм икенче төркем инвалидлыгы булган гражданнарны, шулай ук инвалидлыкның теләсә кайсы төркемендәге хәрби хәрәкәтләр ветераннарын эшкә урнаштырганда бирелә. Эшкә алу тулы эш көне шартларында кимендә 9 айга рәсмиләштерелергә тиеш. Инвалидлыгы булган кешегә хезмәткә түләүнең минималь размерыннан түбән булмаган хезмәт хакы гарантияләнә.

Компенсация алу өчен эш бирүчегә хезмәт килешүе төзелгән көннән алып өч ай эчендә халыкны эш белән тәэмин итү хезмәтенә гариза бирергә кирәк. Гаризага реабилитациянең индивидуаль программасын исәпкә алып, эш урынын җиһазлауга тотылган чыгымнарны раслый торган документлар беркетелә.

Тикшергәннән соң мәгълүматлар Социаль фонд бүлегенә тапшырыла. Кисәтүләр булмаса, эш бирүче реестрга кертелә, һәм 10 көн эчендә тотылган чыгымнар өчен 200 мең сумнан артык булмаган күләмдә акча күчерелә.

Эдуард Вафин: «Инвалидлыгы булган кешеләр өчен кулай эш урыннары булдыру — мөһим бурыч, һәм без эш бирүчеләргә аны хәл итәргә ярдәм итәбез. Чыгымнарны компенсацияләү бизнеска финанс йөкләнешен киметергә һәм бер үк вакытта махсус ярдәмгә мохтаҗ гражданнарны эшкә урнаштыруга ярдәм итә».

Тулырак мәгълүматны СФР сайтында, MAX, ВКонтакте, Одноклассники һәм Телеграмдагы рәсми аккаунтларда табарга мөмкин. Өстәмә сораулар буенча 8 800 100 0001 номерына шалтыратырга ярый (тәүлек буе, бушлай).