«Камаш» паркы, «Батыр» спорт мәктәбе һәм яңа йорт: Роберт Искәндәров объектларны тикшерде

«Камаш» паркында төзекләндерүнең икенче этабы бара. Заманча клуб бинасы төзелгән, белгечләр эчке һәм бизәкләү эшләрен тәмамлыйлар.

План буенча барлык эшләр августка кадәр төгәлләнәчәк. «Батыр» спорт мәктәбендә капиталь ремонтның икенче этабы дәвам итә. Хәзерге вакытта эшләр көрәш залында алып барыла, вентиляция системасын тулысынча алыштыралар һәм санузелларны ремонтлыйлар.

Совет урамы, 18 нче йортта түбә алыштыру тәмамлана. Киләсе этап – фасад һәм керү төркемен яңарту. Шулай ук яңа йорт төзелеше дәвам итә. Өч кат күтәрелгән инде, эчендә электр монтажлау эшләре бара. Объектны тапшыру ел ахырына планлаштырылган.