Казанның җырчы Җәкәү йортында IV керәшенчә марафонның йомгаклау чарасы узды

11-25 мартта ВКонтакте социаль челтәрендә оештырылган IV керәшен марафонына республикабыз буенча барлыгы 40 кеше – укытучылар, тәрбиячеләр, мәдәният хезмәткәрләре һәм башка актив укучылар кушылды.

Очрашуда онлайн-марафонга йомгак ясадылар; хатын-кызның халык мәдәни кодын саклаудагы роле турында сөйләштеләр; танылган керәшен хатын-кызларының чыгышлары, иҗат номерлары тыңладылар; фикер алыштылар.

Бу очрашу кысаларында «Түгәрәк яулык» дип аталган керәшен хатын-кызлары берләшмәсе төзелде.

«Без, Менделеевск районы керәшеннәрен шушы марафонда күрсәтә алуыбыз белән горурланабыз. Оештыручыларга чиксез рәхмәтебезне белгерәбез», диде марафонда катнашучы Сәйтәк клубы мөдире Ясминур Гыйзәтуллина.