Ләйсән Галеева авыл хуҗалыгы предприятиеләре җитәкчеләре белән киңәшмә уздырды

Техниканың, силос чокырларының тулы әзерлеген тәэмин итү һәм каплау материалын вакытында сатып алу кирәк.

Татарстан Республикасы Хөкүмәте йортында узган киңәшмәдә Татарстан премьер-министры урынбасары – авыл хуҗалыгы һәм азык-төлек министры Марат Җәббаров чәчү темплары буенча алдынгы районнарны атады. Алар – Тәтеш, Зәй, Спас һәм Лениногорск районнары. Безнең аграрийларга темпларны арттыру һәм уңай һава торышын максималь нәтиҗәле куллану зарур.

Саклау чараларын үткәрүгә һәм азык әзерләү кампаниясенә әзерлеккә аерым игътибар бирергә кирәк. Район алдында бер шартлы баш терлеккә уртача 40 центнер азык берәмлеге әзерләү бурычы тора. Планлы күрсәткечләр: силос – 3 млн. 200 мең тонна, сенаж – 3 млн. 660 мең тонна, печән – 32 мең тонна.

Шулай ук техниканың, силос чокырларының тулы әзерлеген тәэмин итү һәм каплау материалын вакытында сатып алу кирәк. Республика авыл хуҗалыгы министрлыгы Татарстан Дәүләт Советы Рәисе вазыйфаларын башкаручы Марат Әхмәтов катнашында авыл халкының эшлекле активлыгын арттыру буенча зональ семинарлар башлый. Авыл хуҗалыгы предприятиеләре җитәкчеләре, авыл җирлекләре башлыклары һәм җаваплы хезмәтләргә бу чараларда максималь катнашуны тәэмин итәргә кирәк.