Игътибар үзәгендә Ашпайковадагы юл төзекләндерү эшләре булды, алар буенча проблемалы участокларга өстәмә таш түгү турында карар кабул ителде.
Сәфәрнең чираттагы ноктасы — Мари Тәкәше авылы. Махсус хәрби операция ветераны гаиләсенең соравы кураторлык мәсьәләләре буенча атналык киңәшмәдән соң аерым тикшерүгә чыгарылды. Район башлыгы юл өслеге торышы борчый торган ветеранның әнисе белән шәхсән очрашты. Авыл җирлеге башлыгы Илмир Кашафетдинов белән берлектә киләчәктә авылның юл инфраструктурасын яхшырту мөмкинлекләре җентекле тикшерелде.
Шәхси кабул итү барышында Татар Ахтиялы авылының ике кайгыртучан хатын-кызы Ватан сакчылары истәлегенә багышланган обелиск урнаштыру тәкъдиме белән мөрәҗәгать иттеләр. Алар үз көчләре белән акча җыйдылар. Роберт Искәндәров, Татар Ахтиялынаә барып, сайланган урынны карады — обелиск мәчёт янында урнаштырылачак. Үз чиратында район, әйләнә-тирә матур булсын өчен, мемориал тирәсендәге территорияне төзекләндерүдә кирәкле ярдәм күрсәтәчәк.
Нет комментариев