Менделеевскида “Имин тәгәрмәч” конкурсында 3 нче лицей җиңде

Быел ярыш Юл хәрәкәте дәүләт инспекциясенең 90 еллыгына багышланды һәм юл хәрәкәте мәдәниятен тәрбияләүдә мөһим вакыйга булды.

Тантаналы ачылыштан соң ЮИД командалары практик сынауларга кереште. Катнашучылар беренче медицина ярдәме күрсәтү күнекмәләрен күрсәтте, велосипед белән идарә итү кагыйдәләрен һәм сигнал бирү техникасын эшләп карады. «Өй – мәктәп – өй» маршруты буйлап имин рәвештә йөрүне күрсәтте, велосипед төзелешен өйрәнде һәм велосипедчыларның типик хаталарына анализ ясады.

Хөкемдарлык нәтиҗәләре буенча призлы урыннар болай бүленде: беренче урын – 3 нче лицей, икенче урын – татар гимназиясе, өченче урын – Яңабирде мәктәбе.