Мөһим мәсьәләләр каралды
Район башлыгы Роберт Искәндәров Казанда Татарстан Рәисе хакимияте җитәкчесе Әсгать Сәфәров катнашында узган муниципаль берәмлекләр советы президиумы утырышында катнашты.
Көн тәртибендәге төп мәсьәлә – җирле үзидарә турындагы яңа Федераль закон кабул ителүгә бәйле рәвештә республика законнарына үзгәрешләр кертү, ягъни дәүләт хакимияте органнары белән җирле үзидарә органнары, шулай ук муниципалитетлар арасында вәкаләтләрне бүлү иде. Татарстанда җирле үзидарәнең ике баскычлы моделе саклана, закон проекты республикада муниципалитетлар эшчәнлеген оештыру үзенчәлекләрен билгели, ул Татарстан Дәүләт Советына 2026 елның 1 июненә кадәр кертеләчәк.
Тагын бер мөһим тема – эчә торган суның сыйфаты, су белән тәэмин итү чыганакларының санитар саклау зоналарын һәм каты коммуналь калдыклар полигоннарының санитар-яклау зоналарын оештыру булды.
Роспотребнадзорның республика идарәсе җитәкчесе Марина Патяшина проблемалы мәсьәләләрне билгеләп үтте, объектларны нормаларга ярашлы хәлгә китерү буенча аңлатмалар бирде.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев