Роберт Искәндәров «Менделеевск 2.0» промпаркында булды

Исегезгә төшерәбез: промпарк территориясе 28 гектарны били. Хәзерге вакытта резидентлар төзелеш һәм монтажлау эшләрен төгәлләп килә. «Партнёр» җаваплылыгы чикләнгән җәмгыятендә җиһазлар сатып алу бара. «Залп» җәмгыяте эш башлауга әзерләнә – анда төп төзелеш эшләре  тәмамланган, конструкцияләр монтажланган, бинаны эчтән төзекләндерү дәвам итә.

«Мультипак» җәмгыяте мәйданчыкны әзерли, материаллар ташый, җир эшләре һәм территорияне планлаштыру башланган.

«Кама» җәмгыятендә металл конструкцияләрне һәм колонналарны монтажлау бара. «Тулпар» резиденты төзелеш-монтажлау эшләрен, конструкцияләрне җыюны башкара, җиһазлар сатып алынган. «Коры азык өстәмәләре» проекты әзерлек стадиясендә, тиздән актив эшләр башлану көтелә.