Роберт Искәндәров: «Су басуларга юл куймас өчен, шәһәр һәм райондагы хәлне күзәтёп барабыз»

Елгаларда боз әле кузгалмады. Киләсе атнадан Тойма елгасында тәүлек буе эшли торган экскаватор дежурлыгы оештырылачак.

— Су басуларга юл куймас өчен, шәһәр һәм райондагы хәлне күзәтёп барабыз, — дип белдерде Роберт Ринатович. — Җирлекләр башлыклары белән бергә территорияләрне карап чыктык, гадәттән тыш хәлләр килеп туса, эш тәртибен билгеләдек. Экскаваторлар, насослар әзерләнде, су җибәрү эшләре бара. Хәзергә һава торышы безгә ярдәм итә — төнге минуслар карның дәррәү эрүен тоткарлый.

Роберт Искәндәров билгеләп киткәнчә, район язгы ташуны тулысынча коралланып каршылый: фаразлар исәпкә алына, чаралар күрелә, службалар теләсә нинди сценарийларга әзер. Төп бурыч — кешеләр куркынычсызлыгын тәэмин итү һәм зур судан зыянны минимальләштерү. Тойма районында җаваплы службалар вәкилләрен җәлеп итеп даими рәвештә күчмә штаблар үткәрелә.