Татарстанда ана капиталына 7 меңнән артык сертификат проактив рәвештә рәсмиләштерелгән

Татарстан Республикасы буенча Социаль фонд бүлеге 2026 елда ана капиталына 7 меңнән артык сертификатны проактив форматта рәсмиләштергән. Бүген сертификат автомат рәвештә — гаризасыз һәм шәхси визитларсыз бирелә. Бала туу турында мәгълүмат Социаль фондка килә, ә әзер документ ата-ананың «Дәүләт хезмәтләре» порталындагы шәхси кабинетына җибәрелә.

Сертификатның цифрлы версиясен чыгартып алып, бастырып була. Документның куллану вакыты чикләнмәгән. Сертификатта күрсәтелгән ана капиталы суммасы ел саен 1 февральдә индексацияләнә — документны алмаштыру таләп ителми, сумма автомат рәвештә үзгәрә. Капиталның актуаль күләмен «Дәүләт хезмәтләре» порталы аша теләсә кайсы вакытта тикшереп була.

Эдуард Вафин: «Татарстанда сертификатларны рәсмиләштерүнең проактив форматы 2020 елдан бирле эшли. Гаиләләргә гариза бирергә кирәк түгел, чөнки документ автомат рәвештә формалаша. 2026 елда гына да мондый ысул белән 7174 электрон сертификат бирелгән».

Ана капиталы акчасын белем бирү хезмәтләренә юнәлтергә мөмкин. Моның өчен шәхси эшмәкәрнең белем бирү эшчәнлегенә гамәлдәге лицензиясе булырга, ә Социаль фондка күрсәтелә торган хезмәтләр бәясе төгәл исәпләнгән килешү бирелергә тиеш.

Тулырак мәгълүматны СФР сайтында, MAX, ВКонтакте, Одноклассники һәм Телеграмдагы рәсми аккаунтларда табарга мөмкин. Өстәмә сораулар буенча 8 800 100 0001 номерына шалтыратырга ярый (тәүлек буе, бушлай).