Ветеринария кагыйдәләрен үтәгез

Видеоконференция режимында безнең районнан утырышта район башлыгы урынбасары Ләйсән Галеева, авыл җирлеге башлыклары, Авыл хуҗалыгы һәм азык-төлек идарәсе начальнигы Илнур Фәрухшин, баш ветеринария табибы Наил Кәлимуллин, авыл хуҗалыгы берәмлекләре вәкилләре катнашты.
– Татарстан Республикасы белән чиктәш күрше төбәкләрдәге катлаулы эпизоотик вәзгыятькә бәйле рәвештә, районның барлык халкының ветеринария кагыйдәләрен төгәл үтәвен сорыйбыз. Атап әйткәндә: билгесез сатучылардан һәм тәэмин итүчеләрдән ветеринария белешмәләре һәм тиешле документациясез терлек, кош-корт һәм азык сатып алмаска, – дип кисәтте утырышта катнашучылар.

Законсыз сату очраклары, шулай ук хайваннарның авыру фактлары турында районның ветеринария хезмәтенә 2-71-72, 2-11-72, 2-25-45 телефоннары, Бердәм диспетчерлык хезмәтенә – 2-77-77, полиция бүлегенә – 102 номерлары буенча яки авыл җирлекләре башлыкларына хәбәр итәргә кирәк.