Хезмәт турында намуслы сүз

Медиа өлкәсендә түгел, ә чын заводта хезмәт итүче егетләр һәм кызлар һәр ай производствога бәйле иң актуаль сорауларны тикшереп чыгачак.
– Бүген без республикада эшче һөнәрләрен популярлаштыру буенча зур эш алып барылганын күрәбез. Ләкин бу хакта предприятие хезмәткәрләренең үзләреннән яхшырак кем сөйли ала? Без шуны уйладык һәм проект шулай туды. Ә аны һәркемгә, шул исәптән яшьләргә дә, кулай һәм кызыклы итү өчен, моны подкаст форматында эшләдек. Уңайлы платформада карарга, тыңларга була, – дип сөйлиләр проект авторлары.

Подкаст «производстводан аерылмыйча» дип әйткәндәй, языла. Авторлар матур студияләр эзләми, әңгәмәне турыдан-туры завод эчендә үткәрәләр. Һәр теманы аңларга чакырылган кунаклар ярдәм итә, чөнки ситуациягә анализ «эчтән» генә түгел, ә тыштан да ясалырга тиеш. Шулай итеп, беренче теманы заводта эшләү турында бүгенге көндә яшәгән мифларга һәм стереотипларга багышладылар. Чакырылган кунак булып блогер, «Интертат» нәшриятенең баш мөхәррире Рөстәм Гәрәев катнашты.

– Подкастларның төп аудиториясе – яшь буын, потенциаль хезмәткәрләр, һөнәр сайлау белән билгеләнгән яшьләр. Моннан тыш, «тере диалог» форматы мәгълүматны аңлауны җиңеләйтә. Бу – яңа платформаларга чыга торган, яңа форматларны үзләштерүче һәм предприятиеләр турыдагы стереотипларны юкка чыгарып, яшь буын белән бергә атлаган сәнәгать вәкилләре өчен үзенчәлекле яңалык. Ләкин иң кыйммәтлесе – бу фикер хезмәткәрләрнең үзләренең инициативасы, ул җавап тапты, – дип ассызыклады «Аммоний» АҖ эшлекле профсоюз оешмасы рәисе Рәйхан Сабирҗанов.

Реальлектә хезмәт хакы никадәр, ни өчен заводта эшләү чынлыкта «байбак көне» кебек түгел, яшьләр эре предприятиеләрдә эшләргә телиме, нинди перспективалар бар һәм заводны «зумерлар» буыны өчен ничек җәлеп итәргә?

Проектның аерым үзенчәлеге – предприятие хезмәткәрләренең профессиональ темаларны гына түгел, ә социаль мәсьәләләрне дә күтәрү.
– Без беренче булырга курыкмыйбыз, чөнки безгә кадәр заводның бары тик эш урыны гына түгел, ә җитди социаль сорауларны тикшерү мәйданчыгы була алачагын беркем дә белдермәде. Без үз чикләребездә бикләнмибез, шуңа күрә кунаклар өчен һәрвакыт ачык. Вазгыятьне читттан өйрәнгәндә, картина һәрчак объектив булып тора, – дип сөйлиләр авторлар.

Проект үзе шулай ук дәүләт башлыгы Владимир Путин кат-кат куйган стратегик бурычны – эшче һөнәрләрен популярлаштыруны да үти. Бу Татарстан Республикасы Рәисе Рөстәм Миңнеханов игълан иткән Хәрби һәм хезмәт батырлыгы елында бигрәк тә актуаль.
– «Аммоний» – республикада күп кенә чараларның инициаторы. Без ел саен үткәрелә торган «Геройлар узышына» спортны җәлеп итәбез, быел ул юбилей булачак, якын арада, 23 майда, Химиклар көненә багышланган «Чылбыр реакциясе» хәйрия чабышы үтәчәк. Без «Пастернак укулары», «Без һәм Менделеевск» фестивальләре аша мәдәни мохит формалаштырабыз. Яңа проект – профессиональ мохит, химикларның ничек яшәве, нәрсә белән мавыгулары, ничек эшләве турында белдерү мөмкинлеге, – дип ассызыклады «Аммоний» АҖ генераль директоры Дмитрий Макаров.