Комбикорма заводы ачылды

Авыл хуҗалыгы продуктларын җитештерү буенча белгечләр делегацияләрен район башлыгы Валерий Чершинцев җитәкләде. Ул бу вакыйганың икеләтә бәйрәм булуын билгеләде, чөнки киләчәктә булачак сәнәгать мәйданчыгына нигез салынды, биредә җитештерүләр җәелдереләчәк.

- Аның кулланышта булуы, яңа эш урыннары барлыкка килү мөмкинлеген бирәчәк. Комбикорма заводы - киләчәк мәйданчыгының беренче резиденты. Районда җитештерү юнәлешендә күптәннән мондый объектлар ачкан юк иде. Бу авыл хуҗалыгы тармагын үстерүдә яхшы башлангыч. Мәскәүдән инвестор Дмитрий Куликов сүзләренчә, район үсеше өчен алар менделеевск аграрийлары белән берлектә бу юнәлештә үсешне җәелдерергә әзерләр.

Яңа комбикорма заводының җитештерүчәнлеге - сәгатенә 4,5 тонна. Җиһазландыру - россия җитештерүе. Җитештерү буенча белгечләр мөгезле эре терлекләрнең биохимик анализлары нигезендә терлек азыгының рецептларын булдырачаклар. Ун сыердан торган эксперимент төркеме Альберт Смирнов хуҗалыгы базасында бар инде. Әлеге заводның комбикормасын терлекләрнең рационына кертү этап буенча башкарыла. Нәтиҗәләр эксперимент үткәргәч ясалачак.