Авыл
Язмышы гади тукымадан
Инвалидлар ункөнлеге барышында Тихоново китапханәсе мөдире Надежда Медведева һәм авыл мәдәният йорты директоры Ольга Подшивалова өйләргә йөрделәр. - Мондый очрашулар хәтердә тирән эз калдыра, - диләр алар, - без газета укучыларга хезмәт сөючән Зариповлар гаиләсе турында сөйләргә телибез. Зөләйха Шәвәлиевна һәм Хәмәтхарис Вагыйзович Тихоновода 30 елдан артык яшиләр, аларның өйләнешкәннәренә...
Инвалидлар ункөнлеге барышында Тихоново китапханәсе мөдире Надежда Медведева һәм авыл мәдәният йорты директоры Ольга Подшивалова өйләргә йөрделәр.
- Мондый очрашулар хәтердә тирән эз калдыра, - диләр алар, - без газета укучыларга хезмәт сөючән Зариповлар гаиләсе турында сөйләргә телибез.
Зөләйха Шәвәлиевна һәм Хәмәтхарис Вагыйзович Тихоновода 30 елдан артык яшиләр, аларның өйләнешкәннәренә 60 ел. Һәркайсы армый-талмый хезмәт куйган, хәзер дә, өлкән яшьтә булуларына карамастан, йорт мәшәкатьләрен үзләре башкаралар.
Гаилә башлыгы Әлки районында туган. Ишле гаиләдә үскән малай 11 яшеннән колхозда эшли, шунлыктан, тыл хезмәтчәне исемен һәм лаеклы алган медальләрен кадерләп саклый. Тихоновода ул гаражда хезмәт куя, комбайнчы була, совхозда җәнлекләрне чалу вакытында төрле эшләрне башкара.
Алар урып-җыю вакытында танышалар, Казан сабын фабрикасы хезмәткәре Зөләйханы коллегалары белән шунда юллыйлар. Тракторчы Хәмәтхарисның кызга күзе төшә һәм ул, озак уйлап тормыйча, әти-әнисеннән фатиха алырга килә.
Зөләйха Шәвәлиевна озак еллар гомерен гади булмаган җәнлек караучы һөнәренә багышлый. Бу өлкәдә уңышка ирешү өчен күп көч, тырышлык һәм тәҗрибә кирәк. З.Зарипова үз карамагындагы җәнлекләр өчен чын күңелдән борчыла, аларны ихластан тәрбияли, вакытында ашата, югары үрчем ала. Зөләйха Шәвәлиевна намуслы хезмәте өчен "Хезмәт казанышлары өчен" медале, Халык хуҗалыгы казанышлары күргәзмәсенең ике алтын, көмеш һәм бронза медальләре, "Коммунистик хезмәт ударнигы" билгесе белән бүләкләнә.
Алар өч ул - Рәис, Рәфкат Рәфисне үстерәләр, биш оныклары, ике оныкчыклары бар. Йортлары - чын гаилә учагы, анда туганнары шатланып кайта. Зариповлар балаларын һәм оныкларын көтеп яшиләр, якыннары турында кайгырту аларга көч бирә, үзләрен яраткан һәм кирәкле итеп тою гомерләрен озайта.
Следите за самым важным и интересным в Telegram-каналеТатмедиа
Нет комментариев