Менделеевск Татарстан муниципалитетларының социаль-икътисади үсеше буенча топ-10 рейтингына керде

Безнең шәһәр Татарстан муниципалитетларының социаль-икътисади үсеше буенча топ-10 рейтингына керде. 2022 елның январь-август нәтиҗәләре буенчы тиешле мәгълүматларны Татарстан Республикасының Икътисад министрлыгы китерде. Әлеге күрсәткечләр буенча мунципалитетларның Топ-10-лыгы түбәндәгечә билгеләнде: Лаеш, Әлмәт районы, Казан, Түбән Кама, Тукай, Югары Ослан, Яңа Чишмә районнары, Яр Чаллы, Менделеевск һәм Алабуга районнары.
Рейтинг үзләрендә җитештерелеп төяп җибәрелгән продукция күләме, салым һәм салым булмаган керемнәр, тапшырылган һәм гамәлдәге торакның гомуми мәйданы, авыл хуҗалыгы тулаем продукциясе күләме һәм башка мөһим социаль-икътисади индикаторлар нигезендә төзелгән.