Менделеевлылар Удмуртия Сабантуенда можгалыларга «Чәк-чәк» биюе һәм түбәтәйләр бүләк иттеләр

Масштаблы чара «Можга» үзәгендәге мәдәни-спорт стадионында узды. Можганың махсус кунаклары Татарстанның Менделеевски шәһәре делегациясе булды. 
Удмуртия Республикасы башлыгы Александр Бречалов җыелганнарны язгы кыр эшләрен уңышлы тәмамлаулары белән котлады, имин тормыш, мул уңыш теләде. 
ТР Дәүләт Советы каршындагы «Бердәм Россия» фракциясе җитәкчесе урынбасары Александр Тыгин, Менделеевски районы җитәкчесе Радмир Беляев мәртәбәле кунаклар булдылар. 
Радмир Илдарович шулай ук Сабантуйда катнашучыларны ихластан бәйрәм белән котлады, истәлекле бүләкләр һәм түбәтәйләр тапшырды. 

Бәйрәм катнашучылар парады белән башлады. Изге традиция буенча можгалыларны ат чабышлары, билбау көрәше, күңелле милли уеннар, күңел ачулар шатландырды. 
Милли ишегаллары эшләде, традицион халык һөнәрләре эшләнмәләреннән күргәзмә-сату оештырылды. Сәүдә рәтләре, аттракционнар эше җәелдерелде. 
Сабантуй Удмуртия һәм Татарстан республикалары муниципаль берләшмәләре иҗат коллективлары катнашында концерт белән дәвам итте. Милли ризык чәк-чәк бәйрәм күрке булды. 
Чара татар милли көрәше батырларын бүләкләү белән тәмамланды.