Менделеевскида «Йолдызлык»ка балаларны әзерләгән иҗат коллективларын бүләкләделәр

Эшлекле дүшәмбедә район башлыгы урынбасары Ләйсән Галеева Мәдәният идарәсе начальнигы Екатерина Шиһаповага, С. Гассар исемендәге мәдәният сарае һәм Балалар сәнгать мәктәбе директорлары Ләйсән Латыйповага һәм Алия Абрамовага, Үзәкләштерелгән клуб системасы урынбасары Юлия Евдокимовага Рәхмәт хатлары һәм дипломнар тапшырды.

«Йолдызлык» фестиваленең зона этабы югары дәрәҗәдә узды, – дип билгеләде Ләйсән Камилевна. – Балалар лаеклы чыгыш ясадылар, аларның остазлары мондый күләмле һәм мәртәбәле чарага яшь талантларны лаеклы әзерләделәр. Менделеевск артистлары Казанда да уңышлы чыгыш ясарлар дип өметләнбез».