Менделеевскидан Маргарита Гудовских юбилеен билгели

Маргарита Сергеевнаның балачагы һәм яшьлеге авыр сугыш һәм сугыштан соңгы елларда уза. Алабуга педагогия институтын тәмамлагач, ярты гасырны диярлек укытучы хезмәтенә багышлый: башта Ленин мәктәбе дип аталган 3 нче мәктәптә, берләшүдән соң Менделеевскиның икенче мәктәбендә эшчәнлеген дәвам итә.

Хезмәт биографиясен пионер әйдаманы буларак башлый, аннары – чит тел укытучысы, озак еллар тәрбия эше буенча укыту бүлеге мөдире булып эшли. Маргарита Сергеевна әйткәнчә, хезмәт кенәгәсендә бер язу гына, бары тик төрле билгеләүләр генә. Аның инициативасы буенча мәктәп музее төзелә, ул бүген дә эшли.

Маргарита Сергеевна әле дә туган мәктәбенең барлык вакыйгаларыннан хәбәрдар, ул хөрмәтле һәм кадерле кунак, мәктәп чараларының актив катнашучысы.

Маргарита Гудовских – педагогик хезмәт ветераны, халык мәгарифе отличнигы, ТАССРның атказанган укытучысы.

– Йөзләгән рәхмәтле укучылар, аларның күбесе тормышта уңышларга иреште, хөрмәтле кешеләр, профессионаллар булдылар, юбилей көнендә зур хәрефле Укытучыга сәламәтлек, рух күтәренкелеге һәм оптимизм телиләр. Без дә кушылабыз һәм остазыбыз белән горурланабыз, – диләр 2 нче мәктәп педагоглары Илсөяр Гыймазетдинова һәм Ирина Җиганшина.

Фото: М.Гудовских архивы