«Аммоний» АҖ яңа генераль директорының исеме билгеле булды

Мәскәүдә предприятие аукционерларының җыелышы узды. Аны «АММОНИЙ» АҖ директорлары Советы рәисе, ТР Премьер-министр урынбасары – ТР сәнәгать һәм сәүдә министры Альберт Кәримов үткәрде. Очрашуда компаниянең генераль директоры вазифасына Дмитрий Макаровны расладылар.

Ведомство белешмәсеннән билгеле булганча, ул 1972 елда туган. Дмитрий Макаровның минераль ашламалар җитештерү буенча предприятиеләр белән идарә итү тәҗрибәсе бар. Ул үсеш буенча «АЗОТ» КАҖ генераль директоры урынбасары булган.