Химзаводка видеокотлаулар
Җәмгыять

Химзаводка видеокотлаулар

Менделеевлылар, сезнең Л.Я.Карпов исемендәге химзаводны юбилее белән котларга уникаль мөмкинлегегез бар.

Моның өчен видеоролик төшерергә кирәк. Аның хронометражы ике минуттан артмаска тиеш. Тематикасы булачак бәйрәмнәргә – Шәһәр көненә һәм «Л.Я.Карпов исемендәге химия заводы» АҖ 150 еллыгына багышлана. Роликның форматы һәм жанры төрле булырга мөмкин, иң мөһиме – позитив кәеф, кызыклы эчтәлек, креатив якын килү.

Проектта, яшенә карамастан, теләгән һәркем катнаша ала. Эшләр шәхси форматта да, инициативалы иҗат төркемнәреннән дә кабул ителә (мәктәпләр, яшьләр оешмалары, үсмерләр-яшьләр клублары вәкилләреннән, командалардан, гаиләләрдән).

Жюри түбәндәге номинацияләрдә җиңүчеләрне билгеләячәк:

•«Л.Я. Карпов исемендәге химия заводына – 150»

•«Минем Менделеевск»

Видеоэшләр 2018 елның 8 августына кадәр кабул ителә.


Нет комментариев