Менделеевск районы мәчетләрендә Ифтар мәҗлесләре уза

Бу уңайдан Менделеевскиның үзәк мәчетендә хәйрия ифтарлары үткәрелә.

Изге айда ураза тотучыларга һәм мохтаҗларга авыз ачтыру мөселманнар исеменнән оештырыла.

Бу Аллахы Тәгаләдән зур савап алуга ирешүне аңлата.

Шушы көннәрдә Гөлсәрия, Асия, Галия, Нурания һәм Сания ханымнар белән ифтар ашы үткәрелде.

Чарада Коръән сүрәләре, мөнәҗәтләр, вәгазьләр укылды, коллектив белән кичке намаз укылды, аннан соң мөселманнар әлеге хатын-кызлар көче белән әзерләнгән кичке аш белән сыйландылар.

Менделеевлылар күрсәтелгән сый-хөрмәттән канәгать калдылар, тәмле ризыклардан тыш күңелләренә рухи азык та алдылар.