Урам. Фонарьлар янмый

Абалач һәм Тогай авылларында урам яктыртуы турында редакциягә моңа кадәр дә шалтыратулар кабул ителгән иде.
- Проблеманы кайсы гына дәрәҗәдә күтәреп карамадык, ул һаман да хәл ителмәде, - ди әлеге авыл җирлегеннән чираттагы шалтыратучы Юрий Зайцев.
Фонарьлар кайбер йортлар тирәсенә сайлап куелган кебек. Ә Абалач урамнарының калган өлеше, Тогай торак пункты кич белән тулаем караңгылыкка чума. Утны бирсәләр дә, бер генә сәгать - 19-20 сәгатьләр тирәсендә генә сөенеп калырга була. Аннан соң нишләргә? Караңгыда эштән кайтыргамы? Урамга бөтенләй чыкмаскамы?